Я – грамадзянін Рэспублікі Беларусь
Мэты ўрока:
- ствараць умовы для развіцця пазнавальнай дзейнасці вучняў, з дапамогай мастацкага слова дзейсна ўплываць на іх думкі, пачуцці, памкненні і спрыяць фарміраванню светапогляду;
- абуджаць цікавасць да гістарычнай і культурнай спадчыны беларускага народа;
- спрыяць выхаванню грамадзянскасці, пачуцця патрыятызму, гонару за сваю Радзіму, за свой народ.
-
- Абсталяванне:
Карта Беларусі, карткі з прыказкамі, матэрыялы для складання кластараў на дошцы (лісты з пералікам правоў, абавязкаў), малюнкі з краявідамі Беларусі.
Тема. Я-Гражданин РБ
Ход урока
Настаўнік: Добры дзень, паважаныя сябры! Хоць мы яшчэ з вамі мала знаёмыя, але я спадзяюся, што мы станем сапраўднымі сябрамі. Вітаю вас на класнай гадзіне “Я – грамадзянін Рэспублікі Беларусь”.
Радзіма, Айчына, Бацькаўшчына. Гэтыя словы мы чулі з самых малых год, мы да іх прывыклі, як прывыклі да слоў мама, тата, сям’я. І, магчыма, мы яшчэ не задумваліся над тым, што значаць яны для кожнага з нас. Многае можа родная сям’я, многае можа родная зямля. Можа накарміць нас цёплым і смачным хлебам, напаіць крынічнай вадой, зачараваць сваёй прыгажосцю, даць сцяжынку ў самастойнае жыццё.
І сёння ў нас размова пойдзе пра нашу Радзіму (карта Беларусі).
Якая яна, наша родная зямля? Што б вы пра яе расказалі людзям, якія ўпершыню пачулі пра Беларусь? (выказванні вучняў)
А яшчэ гэта –
1 вучань: Гэта залатыя палі збажыны з сінімі вочкамі васількоў, светлыя ад бяроз гаі, што аглухлі ад птушынага звону, і пушчы, падобныя на гатычныя храмы, пушчы, дзе блукаюць зубры-волаты і горда нясуць свае кароны алені.
2-гі вучань: Гэта бясконцыя жылы рэк, у якіх плешчуцца бабры і рыба на захадзе сонца.
3-ці вучань: Гэта амаль 11 тысяч азёр, чыстых, як усмешка дзіцяці.
4-ты вучань: Наша зямля – гэта старадаўнія гарадзішчы і курганы, пад якімі спяць яе абаронцы, у барвовых, быццам ад крыві, мурах замкаў.
5-ты вучань: Гэта бязмежныя палі, дзе працавіты плуг часам выворвае каменную сякеру, меч або гільзы часоў апошняй вайны.
6-ты вучань: Гэта вечныя агні перад помнікамі салдатам.
7-мы вучань: Наша зямля – гэта людзі і іх вечная, неўміручая праца.
Многае перацярпела наша беларуская зямля, але засталася незалежнай, самастойнай. Яна мае сёння багатую гісторыю, культуру, мову. І калі мы сапраўдныя грамадзяне сваёй краіны, мы будзем клапаціцца аб тым, каб усё гэта багацце не знікла.
Сто гадоў шукай другой красы,
А тым больш, што свет зусім не вузкі.
Ды калі ты не бязродны сын,
Гавары са мной па-беларуску.
1-ы чытальнік:
У нас хапае слоў такіх
Чысцюткіх, ядраных, як ранне.
Яны выказваюць услых
Пяшчоту, ласку і каханне.
Хапае слоў і гаманкіх,
І мяккіх, як у лузе травы,
Ствараючы, шліфуюць іх,
Але не для сваёй забавы.
У нас хапае рэдкіх слоў,
І палюбі ты іх бязмежна.
Яны ад чысціні снягоў
І ад пялёсткаў беласнекжных.
Яны ўвабралі звон крыніц,
Шум лесу і дыханне ночы…
Ад ліўняў і ад навальніц –
Грымяць, іскрацца і шапочуць.
Мова чалавека, народа багатая, калі ў ёй шмат песень, казак, прыказак. І зараз я прапаную вам праверыць, наколькі добра вы ведаеце нашу культурную спадчыну. Складзіце, калі ласка, прыказкі.
Няма смачнейшай вадзіцы |
бору песню спявае |
Усякай птушцы сваё |
ад Радзімы не адракайся |
Родная зямелька як |
і цябе пашануюць |
На чужыне і |
дарэмна не гаворыцца |
Кожная сасна свайму |
гняздо міла |
Родная зямля мякчэй |
як з роднай крыніцы |
Бацькоў не цурайся, а |
зморанаму пасцелька |
Шануй людзей, то |
камар загіне |
Бацькоўскае слова |
чужой пярыны |
Галоўны скарб нашай зямлі – гэта людзі, якія ўслаўляюць сваю зямлю, нясуць у свет добрае імя беларусаў.
2-гі чытальнік:
Я – беларус, я нарадзіўся
На гэтай казачнай зямлі.
Дзе між лясоў і пушчаў дзікіх
Адвеку прашчуры жылі.
Я – беларус, я ганаруся,
Што маю гэтае імя!
Аб добрай славе Беларусі
У свеце знаюць нездарма!
Я – беларус, і я шчаслівы,
Што маці мову мне дала,
Што родных песень пералівы
І зблізку чую, і здаля.
Кожны чалавек выконвае розныя ролі ў сваім жыцці. Якія яны? (Кластар на дошцы). Назавём галоўныя з іх.
Я – чалавек, беларус, грамадзянін, вучань, сын (дачка), барысаўчанін.
Хто ж такі грамадзянін?
Гэта чалавек, які пастаянна жыве ў дзяржаве, карыстаецца яго абаронай, мае шэраг сваіх правоў і абавязкаў. У Старажытнай Грэцыі быць грамадзянінам маглі нямногія, гэта было ганаровае званне.
Звернемся да правоў і абавязкаў. Якімі правамі валодаеце вы як вучні? Давайце пералічым асноўныя з іх (кластар).
- Права на адукацыю;
- Права на павагу сваёй годнасці
- Права на ахову жыцця і здароўя ў працэсе навучання
- Права на адкрытую ацэнку сваіх ведаў, сваёй вучэбнай і грамадскай дзейнасці.
Якія ж абавязкі маюць вучні? (складаем кластар на дошцы)
- Старанна вучыцца
- Дастойна і культурна паводзіць сябе ў класе, школе і за яе межамі
- Паважаць погляды, свабоду і годнасць як старэйшых так і равеснікаў
- Клапаціцца пра здароўе і бяспеку ўласнага жыцця і жыцця сваіх таварышаў
- Быць акуратным, прытрымлівацца дзелавога стылю адзення
Мы з вамі барысаўчане. І ад нас залежыць, якім будзе наш горад. А каб жылося ў ім добра, неабходна, канечне, яго любіць.
2-гі чытальнік:
Я люблю цябе, мой горад,
Як магчыма толькі ў свеце.
Самы чысты і зялёны,
Самы родны на планеце.
Я табою ганаруся,
Гавару табе я “дзякуй”.
Ты мой лёс. І не патрэбна
Больш Радзімы мне ніякай.
Я жадаю табе шчасця,
Даўгалецця, прыгажосці.
Каб любілі цябе людзі –
Землякі мае і госці.
Грамадзяне абавязаны шанаваць законы дзяржавы, ведаць яе гісторыю, культуру і шанаваць яе. А зараз папрашу вас быць уважлівымі: мы правядзём з вамі невялікую віктарыну і даведаемся, наколькі сапраўднымі грамадзянамі роднай зямлі вы з’яўляецеся.
Віктарына.
|
Белая Русь |
|
Айчына, Бацькаўшчына |
|
6: Брэсцкая, Віцебская, Гомельская, Гродзенская, Мінская, Магілёўская |
|
пшаніца |
|
чырвонага |
|
Мы – беларусы, мірныя людзі |
|
крывічы, дрыгавічы, радзімічы |
|
207 тысяч кв. км |
|
5: Расія, Украіна, Літва, Латвія, Польшча |
|
Каля 10 мільёнаў чалавек |
|
Нёман, Прыпяць, Заходняя Дзвіна, Днепр, Сож, Беразіна |
|
Я. Колас, Я.Купала, М.Танк, М.Багдановіч і інш. |
|
Ф.Скарына |
|
Е. Полацкая |
|
Хатынь |
|
3 ліпеня
|
Дзякуй вам усім за удзел.
Як вы зразумелі, хто такі грамадзянін? (выказванні вучняў)
Вось і заканчваецца наш з вамі урок “Я – грамадзянін РБ”. Я думаю, вы зразумелі, што першы ваш абавязак перад дзяржавай – атрымаць адукацыю, каб у далейшым быць паўнацэнным членам той дзяржавы, у якой ты нарадзіўся. А таксама я спадзяюся, што калі пройдуць гады і вы вывучыцеся, атрымаеце прафесію і будзеце дастойнымі прадаўжальнікамі дастойных спраў вашых бацькоў, усяго нашага народа.