Свята “Нам засталася спадчына”
Мэта: далучаць дзяцей да духоўных скарбаў свайго народа,
фарміраваць цікавасць і павагу да роднага слова;
развіваць пазнавальную актыўнасць вучняў, творчыя здольнасці;
выхоўваць моўнае чуццё і ўвагу да слова,
прывіваць любоў да роднага краю.
Ход мерапрыемства
Вядучы: Усiх да нас мы запрашаем
I сардэчна ўсiх вiтаем—
I дарослых i дзяцей,
I шаноўных усiх гасцей.
Неба чыстае i глыбокае
I бярозавы цiхi гай.
Беларусь мая сiнявокая,
Беларусь мая — родны край!
У густых садах ты красуешся,
Сiлай поўная маладой.
У агнях уся ярка свецiшся,
Разлiваешся збажыной.
Славай слаўная ты былiннаю,
Залатою сваёю красой,
Майскай песняю салаўiнаю
I вясёлкамi над ракой.
Вядучы: Дарагiя сябры! Сення мы павядзём размову аб самым галоўным, самым каштоўным — аб нашай Бацькаўшчыне.
Рака пачынаецца з ручаiн. Дрэва мае каранi, а чалавечая годнасць i вартасць нараджаюцца з глыбокай адданасцi сваёй Радзiме, з пашаны да яе спадчыны, з ведання сваёй гiсторыi, з любовi да матчынай мовы.
Дала мне мацi гэту мову,
Каб не нямым прыйшоў у свет.
Дала мне мацi гэту мову
Як спадчыну i запавет.
З такою моваю не сорам
I да суседзяў — хоць на Марс.
З любым народам мы гаворым,
I людзi разумеюць нас.
Родная мова, лагодная мова,
Мова Купалы i мова Брыля.
Ты — беларускай культуры аснова,
Мова Радзiмы i мова мая.
Мова, якую шануюць i любяць,
Мова, якая застанецца жыць.
Хай яна самай жаданаю будзе,
Хай яна шчыраю песняй гучыць.
(Гучыць песня)
Вядучы: Любiць i шанаваць родную мову — гэта мала. Трэба ведаць i вывучаць культуру Беларусi, яе святы, традыцыi, фальклор. Фальклор — аснова ўсёй беларускай культуры. I сёння мы з вамi ўспомнiм беларускае народнае свята «Калядкi».
(Выходзiць гаспадыня, за ёй выскоквае Каза з Гандляром.)
Гаспадыня (да Казы):
Бегла белая козачка,
Бегла берагам козытка,
Рожкi казытунчыкi,
Ножкi тапатунчыкi.
(Каза iдзе па крузе, падскоквае)
Гаспадыня: Дзе рожкi дзела?
Каза: На соль праела.
Гаспадыня: Лезь, каза, на печ.
Пакажы на чапец.
(Каза дастае чапец, прымярае яго.)
Гаспадыня: Лезь, каза, на пол,
Пакажы хахол.
(Каза хапае за чуб сябе i скача, потым iдзе па крузе.)
Каза: Дзе каза ходзiць, там жыта родзiць,
Дзе каза рогам, там жыта стогам,
Дзе каза нагой, там жыта капой.
Дзе каза хвастом, там жыта кустом.
Гаспадыня: Вось дык каза! Прадайце ж вы мне яе.
Гандляр: А колькi грошай заплацiце?
Гаспадыня: Аддай казу так!
Гандляр: Дай хоць пятак!
(Гаспадыня дае грошы, бярэ казу, але тая не хоча iсцi, упiраецца, брыкаецца. Гандляр б'е яе лазовым кiем, а каза—брык i ляжыць «мёртвая». Падбягае доктар, пырскае на яе «жывой» вадой, каза «ажывае», скача, потым iдзе да дзяцей.)
Каза (для дзяцей): А вы паваражыць хацелi б? Ну, давайце паварожым на саломiнках.
(Выклiкае з залы 6 чалавек).
— Цягнiце!
(Каза трымае ў руцэ саломiнкi, якiя маюць розную даўжыню,
але гледачам яны здаюцца аднолькавымi.)
Каза: Ну, хто доўгую выцягнуў? Хто кароткую?
(Дзецi адказваюць.)
Каза (гарэзлiва): Хто выцягнуў самую доўгую саломiнку, той будзе вучыцца на «дзесяць», а той, хто самую кароткую, — на «дзевяць». Да сустрэчы!
(Каза ўцякае.)
Вядучы: Гумар i жарт—адметная рыса беларускага народа. I жартоўныя песнi вельмi любяць беларусы.
(Жартоўная песня… )
Вядучы: Беларускiя пасядзелкi… З глыбокай даўнiны прыйшоў да нас гэты народны звычай — беларускiя пасядзелкi. Доўгiмi зiмнiмi вечарамi збiралiся жонкi, мужыкi, сялянская моладзь для рукадзелля i пражы, а больш для забаў i песень.
На пасядзелкi мы прыйшлi,
Дарагiя дзевачкi.
Гарманiст у нас прыгожы,
Грае вам прыпевачкi.
Мы прыпеўкi вам спяваем,
Каб смяялiся ўвесь час.
Калi мы вам да спадобы,
Запрашайце ўсiх да вас.
Цi я ў мамкi не дачка,
Цi я не дачушка,
Хоць малая я расточкам,
Але ж весялушка.
У гародзе на лясе
Вырасла пятрушка.
Мяне вельмi хлопцы любяць,
Бо я весялушка!
Ой, пiнжак, мой пiнжак,
Парваныя плечы.
Чым такая вечарынка
Лепш сядзець на печы.
Дзяўчынка чарнаброва
Паехала ў лес па дровы,
Зачапiлася за пень,
Прастаяла цэлы дзень.
Мы прапелi вам частушкi
Вы скажыце ад душы
Харашы нашы частушкi,
Чым жа мы не харашы!
Вядучы: …Усiх нас гадуюць матчыны казкi.
Яны вучаць родную мову любiць,
^ З няпраўдай змагацца, а з праўдай дружыць
I аб неабсяжным i сонечным марыць
— Сапраўды, з самых малых год, казка iшла i жыла побач з намi. Яна захапляла нас святлом незвычайнага, неверагоднага, фантастычнага.
— Мы любiм казкi за тое, што ў iх заўсёды дабро перамагае над злом, мудрыя, мужныя, знаходлiвыя людзi перамагаюць несумленных, нядобрых, лiхiх. Казкi сеюць зерне мудрасцi.
— Давайце паклiчам да нас герояў казкi ….
(Інсцэніроўка казкі.)
Вядучы: Чытайце казкi, бо няма
У iх хлуснi нiколькi,
Чытайце казкi, бо яны
Нясуць нам радасць толькi,
Святлом i шчырасцю заўжды
Напоўняць нашы сэрцы.
Чытайце казкi i ў дабро
Заўсёды, дзецi, верце.
— А зараз мы даведаемся, як добра вы ведаеце казкi, i правядзем вiктарыну.
1. Гэй, каза, збірай манаткі,
Уцякай хутчэй ты з хаткі,
Бо вунь дзед ідзе, ён касу нясе! (“Каза-манюка”)
2. Кар-кар! Кра-кра! Гэй-гэй!
Я – паўночны салавей! (“Ганарыстая варона”)
3. Дык вось, каточак, мой галубочак, хлеб ёсць, соль ёсць – капусты няма. (“Каток – залаты лабок”)
4. З таго часу больш і не сябруюць сабакі з ваўкамі.
(“Сабака і воўк”)
5. А спевакі засталіся ў той хаце, жывуць-пажываюць і бяды-ліха не знаюць. (“Музыкі”)
6. Дык вось, каму слава, таму і булкі. А вы, гультаі, ідзіце прэч адгэтуль. Ко-ко-ко! Дзеткі, бяжыце сюды хутчэй!
(“Пшанічны каласок”)
7. Карова, карова, дай масла! Пеўнік ляжыць і не дыхае, бобінкай падавіўся. (“Як курачка пеўніка ратавала”)
Вядучы: Час настаў нам паказаць,
Як умеем танцаваць.
(Танец «Бульба-полька»)
Вядучы: Пасля танца няхай песня
Добрай хваляй к нам нясецца.
(Гучыць песня)
Вядучы: Колькi вас усiх тут ёсць,
Кожнаму дам па зярнятку,
Кожны дарагi мой госць
Хай паслухае загадку.
1. Нос вусаты, лоб паласаты,
хвосцiк пушысты, сам кiпцюрысты. (Кот.)
2. У лазню iдзе чорным, выходзiць чырвоным. (Рак.)
3. Дзяўчынка кветку ўзяць хацела,
А кветка—пырх i паляцела.
Завецца як жа кветка тая,
Што крылцы мае i лятае? (Матылёк.)
4. Круглы, як мяч, салодкi, як мёд,
зверху зялёны, а ўнутры чырвоны. (Кавун.)
5. На лузе браточкi з адной сямейкi:
залатыя вочкi, беленькiя вейкi. (Рамонкi.)
6. Маленькi сам, нос доўгi, колкi,
танчэй, вастрэй любой iголкi.
Пакуль ляцеў — усё крычаў,
а толькi сеў — i замаўчаў. (Камар.)
7. Я расту не на ствале,
я заўсёды на стале.
Мяне ўкусiш, небарача,
дык адразу i заплачаш. (Цыбуля.)
(Выходзяць вучні, чытаюць вершы.)
Кажуць, ёсць краiны-цуды,
Дзе зусiм няма зiмы.
Мы ж не рвёмся анiкуды,
Любiм свой куточак мы.
Куды нi глянь—лясы шумяць,
Цвiце над полем гай,
А поле—вокам не абняць,
I гэта ўсё мой край!
Пшанiца, жыта на палях,
Усюды ўраджай,
Стагi, як горы на лугах,
I гэта ўсё мой край!
Жыве, працуе наш народ
Цi ў снежань, цi ў май.
I харашэе з года у год
Мой родны, вольны край!
Вядучы: Надыходзiць сумны час—
Нам пара растацца,
Але просiм шчыра вас
Нас не забывацца.
Вучыцеся добра вы
I не сумуйце,
I родную мову
Сваю вы шануйце.
Цi ўсё ў нас добра атрымалася?
Як вам, госцi, спадабалася?
I шкада, а ўсё ж бывайце:
Матулiнай мовы не забывайце!