Гарачая бульба
Спартыўны турнір
Мэты: замацоўваць навыкі дзеянняў у камандзе; развіваць каардынацыйныя здольнасці; выхоўваць пачуццё адказнасці за калектыўную справу.
Абсталяванне: бульба, яблыкі, грушы, кубікі, некалькі невялікіх вёдзер; кухарскія каўпакі, чарпакі, дзве каструлі, два кошыкі, два мяшкі, абруч.
Ход мерапрыемства
I. Арганізацыйны момант.
Пастраенне каманд, прадстаўленне журы.
Вядучы. Нашы сённяшнія спаборніцтвы мы прысвя-чаем бульбе.
Ода бульбе
О ты, ачышчаная ці ў мундзіры,
Табе спяваю оду я.
Калі прыходзіш ты з кефірам,
То радасцьдорыш мне штодня...
Цябе ніколі не забудзем,
Хай спакушаюць нас сушы.
Цябе заўжды мы есці будзем,
Віват, о бульба, ты ў душы!
II. Прадстаўленне каманд.
Вядучы. Сёння сустракаюцца каманды "Бульбатут" і "Бульбатам". Давайце пазнаёмімся!
Каманда "Бульбатут". Камандзе "Бульбатам" фізкульт-прывет! Наш дэвіз!
Бульба тут! Бульба там!
Бульба ням, ням, ням!
Чароўны пах, прыемны смак,
Еш і гэтак, еш і так.
Каманда "Бульбатам". Камандзе "Бульбатут" фізкульт-прывет! Наш дэвіз!
Бульба, бульба — толькі наша,
Не заменім ні на што.
Смажым, варым, запякаем.
Бульба — гэта наша ўсё!
III. Спартыўныя конкурсы.
Эстафета "Пасадзі бульбу"
На шляху кожнай каманды выкладваюць 5 кругоў з бульбы. Камандзе даецца вядро з пяццю бульбінамі. Першы ўдзельнік бяжыць і "садзіць" па адной бульбіне ў круг, аббягае паваротную стойку і вяртаецца, перадаючы вядро другому ўдзельніку. Той "збірае" бульбу, вяртаецца і перадае эстафету далей.
Перамагае каманда, якая першай закончыць эстафету.
"Правы" спорт
У гульні бяруць удзел па адным чалавеку ад каманды. "Асілак" за 30 секунд падымае дзіцячае вядзерца з бульбай ад пляча ўверх максімальную колькасць разоў.
Пераможца вызначаецца па колькасці поўных выжымаў.
Эстафета "Хуткі кухар"
На адлегласці 5 м ад лініі старту знаходзіцца каструля. На лініі старту стаіць вядро з бульбай.
Першы ўдзельнік апранае кухарскі каўпак, з бульбай у чарпаку бяжыць да каструлі, перакладае туды бульбу, вяртаецца і перадае прыстасаванні наступнаму ўдзельніку каманды.
Пераможца вызначаецца па хуткасці заканчэння эстафеты.
Гульня для балельшчыкаў "Гарачая бульба"
Пакуль гучыць музыка, з рукі ў руку балельшчыкі перадаюць адзін аднаму бульбу. Той, на кім спыняецца музыка, павінен пахваліць бульбу. Паўтарацца нельга.
Перамагае той, хто назаве апошнюю характарыстыку.
"Бульбяны дартс"
У кожнага члена каманды па адной бульбіне. На адлегласці 3 м знаходзіцца вядро, у якое ад лініі старту кідаюць бульбу.
Пераможца вызначаецца па колькасці дакладных кідкоў.
"Збяры ўраджай"
Кожную каманду прадстаўляюць два ўдзельнікі. Яны з завязанымі вачыма за адну хвіліну выбіраюць бульбу (разам з бульбай ляжаць яблыкі, кубікі і інш.) і кладуць у кошык сваёй каманды.
Пераможца вызначаецца па колькасці сабраных бульбін.
Эстафета "Бульбяны кёрлінг"
На шляху кожнай каманды выкладваюць 5 кругоў з бульбы. Першы ўдзельнік прымае ўпор лежачы, другі бярэ яго за ногі; рухаючыся ўперад, яны "пракладваюць ба-разну" і вяртаюцца назад. Трэці і чацвёрты ўдзельнікі бягуць з вядром па "баразне" І "выкопваюць" па 2 бульбіны з кожнага круга, высыпаюць з вядра ў мяшок і перадаюць эстафету наступнай чацвёрцы ўдзельнікаў.
Пераможца вызначаецца па хуткасці заканчэння эстафеты.
Гульня для балельшчыкаў "Лішні рот"
У сярэдзіне абруча ляжаць бульбіны. Іх заўсёды на адну менш, чым удзельнікаў.
Гучыць музыка, дзеці ходзяць вакол абруча. Калі музыка спыняецца, дзеці павінны ўхапіць па адной бульбіне. Той, каму не хапіла бульбіны, пакідае гульню.
Пераможцам становіцца ўдзельнік гульні, якому дасталася апошняя бульбіна.
IV. Падвядзенне вынікаў і ўзнагароджванне каманд.
Верасень
Вось і лета сышло,
Адспявалі калоссі,
Цяжка нам заўважаць,
Як з'яўляецца восень.
Непрыкметна зусім —
Прыплыве павуцінкай,
Гляне жоўтым лістком
3-пад зялёнай хусцінкі.
Усплыве туманом
Над рачулкаю соннай,
Устрывожыць дымком
3 пахам бульбы пячонай.
Зачаруе агнём
Маладзенькай рабіны,
На адлёце крылом
Памахае бусліным.
А пасля, А пасля
Ліст апошні сарвецца...
Ды не знаю, чаму
Ты мне, восень, па сэрцу! П. Броўка
Верасень. Ён мае мудрагелісты нораў, здатны на розныя выдумкі і дзівосы. Гэты месяц адлюстроўвае і лета, і восень. Усе колеры і адценні падабаюцца нам: і аксаміт, і парча, і золата, і яхант.
I. Ад куль пайшла назва месяца?
Беларускае найменне верасень атрымаў дзякуючы меданоснаму верасу, з якога пчолы бяруць апошнюю ношку нектару якраз у гэты час.
Сімвал восені — жоўты колер. Менавіта з жоўтага лісця пачынаецца яе час. За тое, што ў верасні так мно-га гэтага яркага колеру, яго завуць жоўцень. Сонечны, залаты ўбор садоў, паркаў і лесу далі назву таму часу, які пачынаецца з сярэдзіны верасня, — пара залатой восені.
Усё часцей пачынае хмурыцца неба. За згасанне сонца і частую хмарнасць верасень атрымаў назву хмурань. Равуном і дажджазвонам яго празвалі за вецер, які часам раве, як звер, і за дажджы-вадалеі.
У верасні становіцца смачнай рабіна. Раней гэта было асабліва паважанае дрэва. Людзі верылі, што яно выратоўвае чалавека ад хвароб і сурокаў. Вялікім грахом лічылася зламаць рабіну. Казалі, што той, хто ссячэ гэта дрэва, сам хутка памрэ.
Яшчэ адно найменне верасня — багач. 21 верасня адзначаецца Раство Багародзіцы, яно супадае са старадаўнім земляробчым святам беларусаў пад назвай Багач, што ладзіцца па заканчэнні жніва.
II. Азбука народнай мудрасці.
Першы дзень восені ў свядомасці народа паяднаўся з пачаткам новага навучальнага года. Народжаныя ў гэты дзень людзі практычныя, лёгка пераадольваюць жыццёвыя цяжкасці. Творчыя, ініцыятыўныя, гарманічныя, яны не любяць марнаваць час.
23 верасня — дзень апосталаў Пятра і Паўла. На Белай Русі два Пятры і Паўлы — вялікі ды малы, летні (12 ліпеня) ды восеньскі. Дазвалялася з Пятра і Паўла восеньскага рваць рабіну, якая пасаладзела ад ранішні-каў-замаразкаў. 23 верасня — пача-так астранамічнай восені, дзень асенняга сонцастаяння, дзень і ноч раўняюцца. Затым дзень прыкметна змяншаецца, а ноч прыбаўляецца.
27 верасня — Узвіжанне, Звіжанне. Свята "закрывания" зямлі на зіму. Наступаюць першыя замаразкі. У на-родзе назва свята тлумачыцца апрадмечваннем бытавых сялянскіх работ, наданнем ім руху, перамяшчэння. "Звіжанне цяпло зрушвае, а холад насоўвае", "Звіжанне лета замыкав, ключык шэрая птушачка за мора панесла", "Са Звіжання восень да зімы ўсё хутчэй ідзе".
Існуе легенда, што калі на свята гады збіраюцца ў адно месца, то па-перадзе іх заўсёды ідзе змяіны цар, у якога на галаве залатая карона ці рожкі. Хто падбярэ скінутую царом карону, той стане надзвычай мудрым, будзе ўгадваць чужыя думкі, не будзе баяцца змяінага яду. Каб за-добрыць цара, варта разаслаць пе-рад ім белы абрус з хлебам-соллю і пакланіцца, тады ён у знак падзякі і скіне карону.
30 верасня — імяніны Веры, Надзеі, Любові і Соф'і (у гонар трох сёстраў: Веры, Надзеі, Любові — і маці іх Соф'і, якія прынялі неверагод-ныя пакуты і смерць (137 г. н. э.) па за-гадзе імператара Адрыяна за тое, што не адмовіліся ад Хрыстовага вучэння). Людзі, народжаныя ў гэты дзень, вель-мі цікаўныя, творчыя. Але з узростам забываюцца пра самакрытычныя ад-носіны, у выніку чаго часам застаюцца ў адзіноце.
"Верасень — з досвіткам дзень", "Як настане верасень, у гаспадара поўныя гумно і кішэнь", — казалі ў народзе. А вось яшчэ: • Прыйшоў верасень — супакоіў прыроду.
• У верасні сініца восень у госці просіць.
• У верасні лес радзейшы і птушы-ны голас цішэйшы. У верасні і ліст на дрэве не трымаецца.
У верасні адна ягада, дый тая —горкая рабіна. • У селянінаў верасні поўныя кішэ-
ні і засекі. • Халодны бацюхна-верасень, ды корміць добра. • Восень у верасні ідзе і дождж за
сабой вядзе. • У верасні зямля апранаецца ў азімую зелень.
III. Вераснёўскія прыкметы.
Рана пажаўцела на рабіне лісце — чакай ранняй восені і ранняй халоднай зімы.
Вераснёўскі гром абяцае цёплую восень.
Калі ў верасні шмат павуціння — чакай яснай і вельмі халоднай зімы.
Калі ў верасні шмат павуціння, гусі садзяцца, шпакі яшчэ не адлятаюць — восень будзе доўгая і сухая.
Калі ў верасні лісце на дрэвах трымаецца моцна, чакай позняй зімы
IV. Што адбываецца ў прыродзе.
Адгрымела летняя сімфонія. Лес прыціх, ажно чуваць, як звініць вада ў невялічкім ручайку. Толькі конікі-цвыркуны часам бяруцца за свае ма-ленькія скрыпкі. Восень. Дажджы не як "вясной з хмаркі, а з ясені": яны і маўчаць, і доўга цягнуцца. Да апош-няга лісцейка намоклі кусты і дрэвы. Прыціх і насупіўся лес. Раптам асен-нюю цішыню парушае заўзятае, проста веснавое мармытанне цецерука.
Учора з раніцы і да самага вечара дажджыла. А сёння зусім па-ліпеньску спякотлівы дзень. Сонца шчодра дзеліцца сваім апошнім цяплом. Яшчаркі грэюцца на сонейку. Бліскаціць у полі свежая маладая зеляніна. "Бабіна лета ўстае", — усміхаючыся, кажуць у народзе. У полі і на лузе з подыхам халоднага ветру ляціць тонкая срэбная павуціна. Гэта малыя вандроўнікі павучкі вяртаюць нам на тыдзень цудоўныя дзянькі, якія назы-ваюцца бабіным летам.
Паступова дні становяцца кароткімі, а ночы — доўгімі і халоднымі. Вятры-вандроўнікі аж праз вокны ня-суць халады. Раніцою на траве, на лістах хмызняку зіхацяць буйныя кроплі халоднай і чыстай расы. Па небе таропка бягуць лёгкія шэрыя аблачынкі, над лугамі, балотамі, паплавам! сцелецца касмылямі густы туман.
Як вясёлка, усюды раскідаў верасень свае яркія, стракатыя фарбы. На ўзлесках цвіце верас. Востры яго пах напаўняе сасновыя бары і пералескі. Цалкам перафарбавала сваё лісце садовая груша, за ёй змяніў зялёны колер на залаціста-аранжавы клён, пажаўцела і ўбранне ліпы. Толькі лісце бэзу, ясеня і вольхі не змяняецца. Да-цвітаюць лугавыя лілова-пурпурныя валошкі. Асыпаюцца на зямлю белыя, ружовыя, вогненна-чырвоныя пялёс-ткі вяргіні. Буйна цвітуць астры.
Восень закранула ягаднікі і кустоўе. Паступова становіцца фіялетавым лісце буякоў (дурніц), чорна-чырвонымі — кусцікі чарніц, пунсовымі — талакнянкі. Прыйшла пара рваць буракі і моркву.
У лесе ўсё хаваецца, цёпла ўхутваецца. У верасні пачынаецца лінька ў казуль, зайцоў — шарака і беляка, ліса звычайнага, куніц. Старанна рыхтуецца да зімы вожык, носіць сабе ў нару апалае лісце.
Наведваюць дубовыя гаі і ляшчынкі дзікі. Тут цяпер можна ўдос-таль паласавацца жалудамі і арэхамі. Закопваецца ў зямлю рапуха чаротная, падлясны подсціл — рапуха шэрая. Асабліва старанна рыхтуецца да зімы барсук: змяняе пад-сцілку ў нары, дабаўляе ў яе гаючую сумесь — мох-сфагнум, які дапама-гае загойваць на целе драпіны. Каб выгнаць надакучлівых насякомых, кладзе галінкі чаромхі і сцябліны рамонку. А вось у вельмі рэдкага і каштоўнага звярка — хахулі — нара-джаюцца дзіцяняты (адно-два).
V. Вершы і загадкі пра восень.
У высокім сінім небе над полем не чуваць ужо звонкага спеву жаваранка. Зніклі ўсе пеўчыя птушкі ў яркім і стракатым уборы. Не лятаюць стрыжы. Ластаўкі і іншыя пера-лётныя птушкі збіраюцца ў вырай. Надышоў час развітання з радзімай, час вялікага перасялення птушак з поўначы на поўдзень. Адлятаць у вырай птушкі пачалі яшчэ ў ліпені, але своеасаблівы пік адлёту прыпадае якраз на верасень: на балотах чародамі збіраюцца і жыру-юць, рыхтуючыся да выраю, качкі. Да вялікага падарожжа рыхтуюцца жоравы. Зязюлі, буслы, чаплі, пе-начкі, падворлікі, чайкі развітва-юцца з роднымі мясцінамі ў самым пачатку верасня, у сярэдзіне адля-таюць салаўі, заранкі, шпакі, гарых-восткі, напрыканцы месяца збіра-юцца ў далёкую дарогу берасцянкі, дразды, канаплянкі. Пакідаюць свае дазорныя вышкі канюкі, пільныя абаронцы палёў ад шкодных мы-шэй-палёвак.
У рэчках і азёрах вада становіцца празрыстай і халоднай. Пакідаюць свае летнія сховішчы ментузы, акуні, плоткі і іншая рыба, шукаючы глыбей-шых мясцін. 3 надыходам халадоў жыхары падводнага царства становяцца ўсё менш рухавымі.
V. Вершы і загадкі пра восень.
Адыход лета
Зноў верасня чутны здалёку
крокі —
3 узлескаў, лугавін і бальшакоў, Бо дні такія чыстыя і крохкія, Як шапачкі ў тугіх баравікоў. Астыла лета. Ды яшчэ не верыцца, Што больш не будзе Цёплых летніх дзён. I хочацца, забыўшыся
на верасень, За летам паімчацца наўздагон I клікнуць, каб яно хоць азірнулася, I папрасіць,
Каб зноў назад вярнулася
I пасвяціла, хоць адзін дзянёк...
А верасень за ўсіх дзяцей
турбуецца,
Як першакласнік радасны,
хвалюецца, Трасе, як грушу спелую, званок. Ю. Свірка
Верасень Чарадзейны Верасень Заквітнеўся верасам. Голле дуба-волата Ён прыбраў у золата. На рабінках быццам кралі. Гэта — ягады-каралі. А кляновае адзенне — Фарбаў рознае адценне. Як у хустачках дзяўчынкі, Чырванеюць дзве асінкі. Чарадзейны Верасень Расквітнеўся верасам. А. Дзеружынскі
Лісток
Звонкі лісток адарваўся ад клёна I пакаціўся, пабег па зямлі. А на палянцы жоўта-зялёнай, Быццам на струнах, іграюць чмялі. Верас ліловы, як на цымбалах, Ціха трымціць увесь дзень
дацямна. Колеры лета рабіна сабрала, I чырванее на сонцы яна. Як я люблю вераснёвыя дзівы! Ходзяць па лесе вятры-трубачы. Толькі грыбы паглядаюць
маўкліва — Песням патрэбны свае слухачы. Э. Агняцвет
Рыжая восень
На парозе восень Рыжая стаіць I вачмі дажджлівымі На лугі глядзіць. Ахінае посцілкай Жоўтаю лясы. Пакрывалам бэзавым Ззяюць верасы. Туманы бялёсыя Над вадой плывуць. 3 крыкамі журботнымі Журавы лятуць. На лугах пакошаных Копы і стагі. Край мой беларускі, Родны, дарагі. С. Панарад
Верасень
Ехаў Верасень па верас
На кабылцы цёмна-шэрай.
Шпарка воз каціўся ўлегцы,
Тузаў Верасень за лейцы.
А за ім сядзеў сынок,
У руках трымаў званок.
Як наскаквалі на пні,
Ён званіўу цішыні.
Забаўляў малога звон:
"Прэч, сум! Прэч, сон!.."
(Восень)
Хоць і крыл яны не маюць, А ўгары заўжды лятаюць, Спёкі, сцюжы не баяцца I ніколі не садзяцца. (Воблакі)
Кішэняў не мае, а сонца хавае, Страху не знае — ад ветру ўцякае, Хоць і сляпай — слязу пралівае. (Хмара)
Без шляху, без дарогі Ходзіць самы даўганогі. У хмарках хаваецца, На зямлю праліваецца. (Дождж)
То страляла, як з гармат, То скакала весела, Каляровую дугу Між аблок павесіла. (Навальніца, вясёлка)
Па-над лугам І ракой Разлілося малако. Хтосьці з сівай барадою Нас частуе сырадоем. (Туман)
Вісіць сіта, не рукамі звіта. (Павуцінне)
VI. Чытаем разам.
Сарока-вартаўніца
Беларуская народная казка Дзеці, вы, напэўна, усе былі ў лесе? Калі хто не быў яшчэ — не бяда. Абавязкова пабудзеце. Яктолькі зой-дзеце ў лес, вас адразу сустрэне вартаўнік. Ён сядзіць на дрэве.
— Вартаўнік у лесе? На дрэве? — спытаецеся вы.
— Так, вартаўнік. Ды яшчэ які пільны. Ніхто не можа прайсці незаў-важаным: ні звер, ні чалавек.
— Хто ён? Каго і што вартуе?
— Не спяшайцеся. Пачнём усё па парадку.
...Аднойчы ў лесе пачалі адбывац-ца вельмі непрыемныя здарэнні: то яйкі з птушынага гнязда знікнуць, то само гняздо хтосьці разбурыць, то дзі-ця звярынае знікне немаведама куды. Трывожна зрабілася на сэрцы ў лясных жыхароў. Думалі яны, думал! і рашылі склікаць сход. Зайцы, сарокі, сініцы ўтой жа дзень разнеслі запрашэнні. Сабраліся лясныя жыхары на самай вялікай папянцы вакол стогадовага дуба. Звяры, вядома, расселіся на траве, а птушкі размясціліся на дрэве. Стар-шынёй выбралі магутнага зубра. Першай пачала гаварыць малінаўка.
— Толькі адляцела на хвілінку ва-ды папіць, — казала яна, заліваючы-ся слязамі, — вярнулася, а замест гнязда — адно некалькі саломінак на кусце вісіць. Вось-вось павінны былі дзеткі з яек з'явіцца. Ой, гора мае...
— I ў мяне, і ў мяне, — жалобна запішчала на ўвесь лес сінічка.
— Калі да гнязда сінічкі вораг да-браўся, — зазначыла шэрая варона, якая сядзела на тоўстым дубовым суку, — то справы зусім кепскія.
Гняздо сінічкі знаходзіцца заўсё-ды ў дупле дрэва, і дабрацца да яго не так проста.
— Трэба жыць гуртам, як мы, — важна сказаў чорны грак і памахаў сваей белай дзюбай. — Да нас ніхто не падыдзе непрыкметна. А вы адна-асобнікі.
Павольна ступаючы нязграбнымі лапамі, чапляючыся кіпцюрамі за траву, на паляну выйшаў сівы барсук і спыніўся перад зубрам. Потым пад-няў сваю паласатую мордачку і ціхім голасам сказаў:
— А да маёй нары нехта падкід-вае ўсялякія смярдзючыя косткі. Проста жыць стала немагчыма.
Барсук вельмі акуратны звер. У яго нары заўсёды адмысловыя чысціня і парадак.
— Кр-р-р, — пракрычаў над га-ловамі крумкач, парушаючы стоеную цішыню. — Кр-р-р! Я буду гаварыць.
I хоць ніхто не любіць крумкачоў, але ж яны самыя мудрыя, бо жывуць на свеце больш за ўсіх — трыста гадоў!
Крумкач паглядзеў на шэрую ва-рону, якая не праляціць міма чужога гнязда, каб не паласавацца.
Варона хуценька апусціла долу сваю заскарузлую дзюбу. А крумкач працягваў:
— Трэба выбраць вартаўніка. Ка-лі хто чужы з'явіцца ў нашым лесе, вартаўнік дасць сігнал.
— Тук-тук-тук! — застукаў дзюбай па кары дзяцел. — Вельмі добра, вельмі добра. Як запрацуешся, нічо-га не чуеш і не бачыш. Гучны сігнал ой як патрэбен!
— Няхай вартаўніцай будзе са-рока, — выслухаўшы ўсіх, прапана-ваў зубр.
Што тут пачалося пасля яго слоў! Усе пачалі абмяркоўваць прапанову, і кожны на сваей мове. Пачуліся піск, брэх, рохканне, лопанне крыламі. Кожны казаў свае. Але ўсе згадзілісяз прапановай зубра. Вавёрка першая ўскочыла на галінку і зацокала:
— Праўду сказаў зубр! Сарока — лепшая гаспадыня ў лесе, не кажучы пра мяне. У яе хатка нават на маю падобна, і лётае яна спрытна. Цок-цок-цок!..
Гняздо ў сарокі сапраўды выдат-нае: вялікае, утульнае, з добрай стра-хой, дзвярамі, пабудавана ў самым гушчары.
Нават магутны стары лось патрос барадой у знак згоды. Заяц, які сядзеў збоку, недалёка ў кустах, запляскаў з усяе моцы лапкамі-далонямі. Толькі зя-зюля засталася незадаволенай. Яна спрадвеку не любіць сароку, бо той не-магчыма падкінуць яйка ў гняздо.
— Глупства, глупства, — пракука-вала яна і паляцела ў гушчар.
Запярэчыла таксама і лісіца:
— Я больш за ўсіх па лесе бегаю, я таксама магла б быць вартаўніцай!
Але на яе словы ніхто не звярнуў увагі. Усе ведаюць: ліса пранырлівая і хітрая.
— Сароку, сароку! — рэхам прака-цілася над палянай.
Сарока, якая любіць быць навідаво-ку, узляцела на самую верхавіну дуба І любавалася сабой, трасучы хвастом.
Ліса вельмі пакрыўдзілася, што лясныя жыхары не зрабілі яе вартаўні-цай, і так паглядзела ў бок зайца, што той палічыў за лепшае перасесці блі-жэй да зубра. Ліса толькі аблізнулася, ганарліва махнула пушыстым хвастом і знікла ў хмызняку.
— I без вашага вартаўніка абыду-ся, — кінула рыжая на хаду. — Сама сябе вартаваць буду.
Сарока вельмі задаволена сваёй пасадай, пільна нясе варту ў лесе. Лясныя жыхары спадзяюцца на яе. Ледзь толькі прагучыць яе рэзкае і гучнае чыр-р-р, чыр-р-р, чыр-рык! — звяры І птушкі адразу ж насцярожваюцца, га-товыя кожную хвіліну схавацца або кі-нуцца наўцёкі. Таму і завуць сарокуляс-ным вартаўніком. I адзенне ў яе такое стракатае — белае з чорнымі пляма-мі, — каб бачылі ўсе здалёк; і хвост такі доўгі, каб добра руляваць ім у час палё-ту; і лётае яна, нібы ўсё бачыць і ўнізе, і ўверсе. Сарока вартуе цішыню лесу. Аб ёй і песня нават ёсць:
А сарока-белабока
Блізка лётае, далёка.
Вестку ўсім нясе адну:
— Сцеражыце цішыню!