СІНТАКСІЧНЫ РАЗБОР ПРОСТАГА СКАЗА
1. Падкрэсліць граматычную аснову і паказаць, што сказ просты.
2. Вызначыць тып сказа па мэце выказвання: апавядальны, пытальны ці пабуджальны, адзначыць, калі сказ клічны.
3. Від сказа паводле будовы:
- Двухсастаўны ці аднасастаўны; калі сказ аднасастаўны – якога тыпу: пэўна-асабовы, няпэўна-асабовы, абагульнена-асабовы, безасабовы, інфінітыўны, намінатыўны (назыўны);
- Развіты ці неразвіты;
- Поўны ці няпоўны; у няпоўным назваць, які член сказа апушчаны.
4. Адзначыць, калі сказ ускладнены аднароднымі членамі сказа, адасобленымі членамі сказа, звароткам, пабочнымі канструкцыямі, параўнальнымі зваротамі.
5. Разабраць сказ па членах сказа і назваць, чым яны выражаны. Спачатку разбіраюцца галоўныя члены (у двухсастаўным сказе ўказваецца тып выказніка), потым – даданыя члены саставу дзейніка. Затым даданыя члены, што ўваходзяць у састаў выказніка.
6. Растлумачыць знакі прыпынку.